Home/ Info
Edwin Baas
2001 & B4
2001-2004
2005-2007
2008
2009
2010
2011
2012
2013
2014
2015
2016
Muay-Thai kickboxing
MMA
CUMAFE
CuraBox Boxing
Martial Kids
Tough Ladies
Omgaan met agressie
Fighters
Baas@SGR
Informatie
Informashon
Bon bini na Baas Sports Kòrsou, un skol di deporte i arte marsial bou di guia di sr. Edwin Baas, un trainer serio i kapas.

Edwin Baas ta fisioterapista, maestro di deporte i spesialista den diferente deportenan di lucha i arte marsial.
E tin A lisensia di Muay Thai Kickboxing, faha pretu di Karate, faha pretu di Taekwondo, instruktor di Kapap, representando di International Mixfight Association i Curaçao Martial Arts Federation i presidente di Federashon di Bokseo.

E trainingnan na Baas Sports ta dirigí riba tantu defensa propio komo mehorashon di kondishon.
Training intensivo pa figura i mehorashon di e forsa muscular. Tambe e ta drecha kapasidat di pulmon i kurason. Un fuerte ehersisio apdominal ta parti di esaki. Drecha bo físika, Mehorá bo kordinashon, Balansa físiko i mental, Habilidat táktiko.

Fuera di e aspekto físiko Arte Marsial ta yudabu desaroyá e parti mental i soshal. E training pa muchanan tambe ta pone atenshon na e konfiansa propio (den bo mes), outo estima, disipliná, rèspèt pa otro i aktitut di hóbennan.

Tur aña e miembronan hubenil di “Martial Kids” di Baas Sports Kòrsou ta pasa nan eksamen. Esnan ku ta slag ta risibí un sertifikado.
Ademas di e téknikanan di lucha (entre otro kickboxing), e eksamennan ta konsistí di entre otro, tèstmentu di reakshon, balanse státiko, balanse dinámiko i otro aspektonan físiko/motóriko.

Tambe nos di Baas Sports ta ofresé nos studiantenan e oportunidat di partisipá na kompetensia i kampionato lokal, internashonal i mundial.

CUMAFE ta un organisashon di arte martial, ku tin komo meta traha riba desaroyo deportivo den arte martial i tambe riba e desaroyo di e ser humano en general.
Aspektonan manera disiplina, komportashon, òrdu i rèspèt ta haña hopi atenshon den e desaroyo aki.

E training ta tuma luga djaluna, djarason i djawebs anochi den sala di deporte di SGR groep (Stichting Gehandicapten- en Revalidatiezorg), Prinsenlaan 5 na Emmastad.

Tur hende ta Bon Bini na Baas Sports, pero mester respeta e reglanan pa garantisia un bon ambiente i un nivel haltu di praktika.

Pa kualkier pregunta por tuma kontakto ku Sra. Palmira Baas 6817339. Tambe por haña informashon via mail info@baassports.com, Facebook Edwin Baas òf e website www.baassports.com


Seguridat i Defensa
Seguridat riba kaya, seguridat na kaminda i riba bo trabòu den e tempu di aworaki no ta un kos di mes mas.
Nos ta preocupá mas i mas riba siguridat di e hende individual den nos komunidat. Anto si nos bai tolerá esaki nos ta mas leu for di kas.
Kombatimentu di agresividat di awendia mester wordu reglá for di diferente angulo.
Gobiernu por solushoná e problema aki dor di pone mas polis riba kaya, duna informashon, etc.
Pero tambe riba aspekto individual por hasi algu.
Ora ku mas hende ta di akuerdo pa reakshoná asertivo na momento di un konflikto òf un situashon alarmante e ora ei por resulta ku nos por baha e resultado di agresividat. Pa no por keda apoja e proceso aki no por siña algun teknika.
E kurso di “Siguridat i Defensa” tin komo meta siguridat i defensa propio ku ta bon pa hende hòmber i muhe, principalmente esnan ku ta kore mas risiko di ser konfrontá ku violensha.
E kurso ta diferenshá su mes hopi for di otro kursonan dor ku no ta pone enfasis riba e parti fisiko so, pero tambe reba e parti psigiko, comuncativo i soshal.
Tin biaha ta por kasi nada òf kompletamente ningun atenshon riba e aspekto psigiko pa kual bo ta haña ku tur loke a wòrdu siñá no ta keda realisá den praktika.
Nos lo trahá riba posishon i ekspreshon.
Den hopi kaso ta abo su bon manera di reakshoná i aktua ta suficiente pa bo por enfrenta un posibel situashon peligroso.
Ademas di e parti teoretiko, temanan ku lo bini na ordu ta e.o manera di move agresividat, miedu, dolor, komportashon propio i kon bo tin ku trata ku esakinan.
Aktuashon psigiko sigur no ta wordu lubidá , pasobra defensa propio ta pidi atenshon speshal psigiko.
Asina ta ku bo mester hura bo miedu pero tambe ora ku bo pasa den un eksperensha den kual bo mester pone tur loke bo siña den praktika, bo mester por keda ku menos last psigiko.
Den e punto aki tambe lo tika kon bo por realisá esaki.
Tambe por siña husa bo bos i bo kurpa pa defendé bo mes.
Bentaha di e kurso aki ta ku den un tempu relativamente kòrtiku bo por siña hasi uso di e teknikanan mas efectivo di diferente bringamentu.
Pasobra e miho teknikanan ta wòrdu selectá i dor di konosimento anatomiko di e puntonan mas swak di e kurpa humano, bo por defendé bo mes for di un situashon di atrako na un manera efectivo. Naturalmente bo boka i bo moveshon ta bo miho arma.
Pero pa bo por defendé bo mes den kua situashon di violensha bo mester tin konfiansa den bo mes.

Agreshon i violensia
Mas i mas trahadó ta haña nan konfrontá ku agreshon i violensia na nan trabou. Den un komunidat kaminda violensia ta oumentá, trahadó tambe ta mas tantu eksponé na violensia verbal i físiko, intimidashon òf menasa.
Algun aña pasá nos tabata kere ku agreshon i violensia por a toka solamente na porta di polis, personal di prizòn, bewaker i transportadó di sèn. Pero awendia a bira mas kla ku agreshon i violensia di públiko kontra trahadó di hopi otro sektor tambe ta tuma lugá.
Globalmente por distinguí tres tipo di violensia:
Violensia verbal. Por pensa riba papiamentu di palabra malu i insultá.
Violensia mental. Aki ta trata entre otro, menasá, iritá i pone hende bou di preshon.
Violensia físiko. Esaki ta e forma mas rigoroso, por ehèmpel skòp, dal, morde i kue tene.
Bahamentu di bienestar, baimentu atras di funshonamentu i oumento di frekuensia di keda kas por ta konsekuensia di agreshon i violensia na trabou. E konsekuensianan no ta tiki. Sigur ora víktimanan no laga ripará nada òf masha tiki di loke a pasa nan. Esaki por kondusí entre otro na ansha, problema ku konsentrashon, problema ku drumimentu, strès, desfunshonamentu i daño mental.


Tepsnan pa prevení Ladronisia ku violensia (atrako) na kas, negoshi, i riba kaya.
• Si ta posibel, no kana anochi lat bo so riba kaya. Kana den grupo mas tantu posibel, kantidat ta brinda mihó seguridat.
• Laga un famia òf amigu sa unda bo ta bai i ki ora bo ta spera di yega. Si algu pasa bo e ora ei tin hende na altura ku bo no a yega na e ora sperá i nan por notifiká polis si tin un problema.
• Keda den áreanan ku tin sufisiente lus mas tantu posibel. Evitá di usa lugánan bandoná, kamindanan di kabritu òf áreanan ku no tin hopi trafikashon / movishon.
• Kana riba asera. Paga tinu kaminda tin palu i mata òf kasnan bandoná ku sospechosonan por skonde.
• Si bo mester kana den kaya (riba asera) sòru pa bo ta kara pa e tráfiko. Malechornan por sigui, forsa i ataka un persona ku ta lomba pa tráfiko mas fásil ku si bo ta kara pa tráfiko.
• Kana ku konfiansa, direkto i ku pasonan firme. No para papia ku hende straño espesialmente den oranan di anochi.
• Bisti sapatu i paña ku ta duna bo libertat di movishon. Trata di no tin kantidat di saku i/of pakete den bo mannan.
• Semper ta alerta !
• No tuma i duna left na hende ku bo no konosé òf no konosé bon.
• Reportá kualke kos sospechoso mesora na 911 òf na bo wijkteam (numbernan ta mas abou den dokumento).
• Evitá di kana ku kantidat grandi di sèn kèsh òf eksponé prendanan kostoso den publiko.
• 'Flatscreen’, ‘laptop’ i ‘smartphones’ ta masha gusta pa malechornan. Soru pa bo tuma e medidanan pa evitá ku bo ta bira víktima. P.e. ora bo kumpra un di e aparatonan aki no pone e kaha bashí banda di bo kliko òf laga e aparatonan aki den outo.

Durante atrako
• Keda trankil, hasi tur loke e atrakadó(nan) bisa bo, no protestá,
• No hasi movementunan brutu / straño,
• Kompaña bo movementunan ku palabra, (bisa e atrakadó kiko bo ta bai hasi ku bo mannan)
• Si bo no por hasi loke e bisabu sòru di bisé, si bo no tin loke e pidi, purba dun’é algu otro a kambio. ( p.e. telefon, prenda).
• Opservá lihé pero den sekuensia,(ariba bai abou-abou bai ariba
• Si bo bira nervioso usa téknika di respirashon (sòru di hala rosea bon pa bo haña sufisiente oksígeno pa bo keda trankil)
• Ora nan bai, sera porta si bo ta den un edifisio
• No komentá aspektonan ku otro. Yama polis. Protehá spornan ku keda atras, kaminda ku nan a mishi etc.

Kas / negoshi:
• E lugá kaminda bo ta biba, sea ta bo mes kas òf un kas ku bo ta hür i e plan di prevenshon ku bo apliká ta determiná te ki grado bo por usa medidanan di seguridat pa kita un ladron di skohe bo kas pa kometé un akto kriminal.
• Ta práktikamente imposibel pa hasi un kas 100% sigur di moda ku ladron no por kibra drenta aden. Pero mas difísil bo hasi pa un ladron / atrakadó, mas impreshon bo krea ku bo kas ta bon protehá i vigilá, mas chèns tin ku e posibel ladron / atrakadó lo legumai i buska un kas ku ta mas fásil pa drenta.
• Promé ku bo kuminsá usa medidanan di seguridat kontra di ladronisia/kiebro/ladronisia ku violensia, bo mester studia bo situashon debidamente. Hopi biaha no ta nesesario pa bo instalá medidanan kompliká.
• Un malechor tin masha poko tempu. Nan ke drenta i sali for di bo kas mas rápido posibel, pasombra mas tempu e pasa paden, mas chèns tin ku ta gar’é.

Algun punto pa konsiderá:
• Kon leu for di bista di bisiña bo kas ta ?
• Kuantu ladronisia sa tuma lugá den bo bario/bisindario ?
• Kon e kòntròl sosial ta den e bario ?
• Kon vulnerabel bo ta basá riba bo infrastruktura i struktura ? (lus di kaya, bentana abou,etc.)
• Para pafó di bo kas na un distansia i puntra bo mes, si mi ke penetrá den e kas aki di unda lo ma drenta ? abo ku ta biba den e kas tin un privilegio paso abo si sa kiko ta e puntonan debil di bo kas. Ora bo detektá nan, drecha nan.
Algun medida:
• No laga hende straño drenta den bo kas. Ni maske ku nan ta mustra di ta heridá, yama polis promé. E por ta un trampa.
• Sorto di kurá rònt di bo propiedat por sirbi komo un estorbo sikológiko pa un malechor ku ta pensa di drenta . Un ladron lo ke kere ku e por bai ku tur loke e drenta kue for di bo kas. Pero tin kurá ku ta stroba bisiña i/òf hende(nan) ku ta pasa pafó di mira e malechor pasombra nan ta muchu haltu.
• Un kurá bon iluminá por deskurashá un malechor. Tin diferente tipo di lus pa pafó di kas ku por sirbi komo medida di seguridat. Chèk ku e negoshinan ku ta bende artíkulonan di elektrisidat i di iluminashon ki sorto di iluminashon ta mihó i mas ekonómiko pa bo kas.
• Porta di pafó i/òf bentana hopi bes ta e promé lugá kaminda ku e malechor lo chèk pa drenta.
• Porta sin bentana di glas aden ta duna mihó seguridat.
• Mayoria porta den interior di kas ta diseñá pa privasidat i no pa seguridat. Si bo tin bon porta di paden e ladron ta topa mas opstákulo si e penetrá den e kas tòg.
• Naturalmente no ta bon pa tene muchu sèn na kas. Hasi uso di karchi mas tantu posibel. Kolekshon di piedra presioso, prenda i otro artíkulo di gran balor ta mihó warda den seif na banko.
• Por instalá un wowo den e porta, esta un buraku grandura di un dies plaka ku glas spesial aden, pa bo por mira ken ta pará pafó sin tin nodi habri e porta. Mester instal’é na un altura
• ku tur hende di kas por mira dor di dje. Si tin un ángulo di 180 grado, ta kasi imposibel pa un hende hala for di bista.
• Instalá ‘chainlocks’. Esaki ta un kadena ku ta laga e porta habri parsialmente, djis pa bo mira ken ta na porta òf pa bo papia ku hende sin laga nan drenta bo kas. Mester usa e kadena huntu ku otro slòt ku ta duna mas seguridat.
• Un tipo di alarma popular ta bo kachó. Un kachó semper ta bon pa tin na kas. Kòrda si ku esei no ta duna bo garantia apsoluto i ku bo mester tuma e demas medidanan di seguridat normalmente.
• No hasi propaganda ku bo ta biba bo so.
• No basilá pa yama polis ora bo yega kas bo mira situashonnan straño òf kos fuera di lugá, rondó di kas.
• Number di emergensia di polis ta 911. Pero semper bo por yama e wijkteam den bo bario / área pa otro kasonan.
Wijkteam Otrobanda: 8666-400
Wijkteam Punda: 8666-450
Wijkteam Rio Canario: 8666-114
Wijkteam Montana: 8666-700
Wijkteam Seru Fortuna/Mahuma: 888-2290
Wijkteam Brievengat: 8666-750
Wijkteam Barber/ Tera kòrá: 8666-500
Kuerpo Polisial Kòrsou 866‐6142 / 866‐6145 / 8666‐192 / 866‐6157
• Sera bo kortinanan anochi i ora bo ta sali kas.
• Ora bo drenta den un kas nobo, kambia slòtnan.
• No laga notanan na porta pa bisa ki ora lo bo ta bèk na kas.
• Tene lusnan pafó sendé anochi.
• Tene bo bentana i porta será anochi, sigur si bo no tin hèkwèrk.
• Inventario di kas: Si un ladron logra drenta bo kas i hòrta bo propiedat, bo mester por yuda polis pa haña i debolbé bo e kosnan hòrta. Un manera ta di tuma inventario di tur bo propiedatnan. Nota tur artíkulo (marka, modèl i deskripshon), fecha di kompra, balor i number di seri. Trata mas tantu posibel di saka potrèt di tur e kosnan di balor aki. (prenda, obra di arte, kosnan eléktriko i elektróniko etc.).
• Kòrda pa no tene hopi sèn den e kasa.
• Hasi uso mas tantu posibel di un kompania di transporte di seguridat.
• Usa un tipo di seif ku un hende no por habri su so. (ku mester di dos yabi pa e habri)
• Pone un bòrchi tambe pa duna indikashon ku bo(so) no por habri e seif.
• Sòru pa anochi semper tin mas ku un hende trahando.
• Depositá sèn tur dia na oranan diferente, den vehíkulonan diferente i usa ruta diferente (preferibel hasi uso di un kompania di seguridat).
• Si tin outo bo tras anochi ora bo ta yegando kas no para, bai dal un rònchi. No slou dilanti bo kas, no primi brek pa e lus di breknan sende pa nan no sa unda bo ta biba.
• Paga bon tinu ora bo ta bai habri porta di kurá. Wak pafó pero tambe den bo kurá mes.
• Ora bo yega kas ku outo, para wak si diripiente un outo a drenta hanchi i kore bin riba spit. No keda para, start kore bai.
• No hasi propaganda ku bo a kumpra kosnan nobo manera kòmpiuter, ‘flat screen’ etc. Si bo a kumpra un di e aparatonan aki, no pone e kaha ku bo a tira afó bisto.
• Si bo kumpra kos nobo tene e kahanan paden te na momento ku trùk di shushi ta pasa.
• Kòrda kombiná medidanan di seguridat si por. P.e. hèkwèrk, kachó i alarma.
• Si hende muhé so ta biba kologá paña di hende hòmber tambe na waya ora bo laba paña. Ladronnan hopi bes ta studia waya di paña pa haña informashon.
Auto:
Algun medida importante ku nos por tuma pa prevení hòrtamentu di bo outo.
• Sera bo outo na lòk. Maske lòkmentu di bo outo awendia no ta un garantia apsoluto ku nan lo no hòrta bo outo nunka, tòg e ta un estorbo pa e ladron. Tuma lòkmentu di bo outo pa kustumber.
• Wak unda bo ta parker bo outo. Semper trata di parker bo outo den un kaya ku hopi aktividat i bon iluminashon. Si bo ta parker bo outo den un lugá di parker outo, buska kaminda tin sufisiente iluminashon.
• Awendia tin hopi aparato kontra hòrtamentu di outo riba merkado. Un di esnan mas simpel ta un suich skondé pa bo kòrta e koriente for di starter. Abo sa unda e suich ta pero e ladron mester bai buska i e no ke pèrdè tempu.
• No laga nada bisto den outo riba stul etc. Nan ta kibra bo outo pa kue nan. No laga laptop etc. Den outo dilanti pero tampoko den baul. E ladronnan ta kibra bo glas di outo i drenta paden.
• Si nan dal patras di bo outo pa bo para, wak bon, pasobra ora bo para pa wak e dañona nan ta hènsòp bo kita bo outo.
• Na lus di tráfiko nan ta sali kita bo outo;
• Den lugá di parker nan ta mara algu tras òf bou di bo outo ku ta hasi hopi sonido. Ora bo para wak nan ta kita bo outo.;
• Nan ta usa dos outo un bo dilanti un bo tras. Na dado momento nan ta será bu kita bo outo.
• Lugánan preferí pa malechornan kometé nan akto(nan);
• Krusadanan ku lus di tráfiko;
• Garashinan òf lugá di parker;
• Salidanan di pòmpnan self-service òf ATM nan;
Informatie in het Nederlands
Informashon na Papiamentu
Baas Sports theme by Full Force (2007)
Subscribe our channel
Visit, Like, Share @ FB
Cedric Bacuna vs Anouar Lahmaj
@ FOTC 21-10-2017
lees verder
Fighters of the Caribbean 2017, October 21 @ ISC

lees verder
Boxing - A tribute to Hubert "Ibi" Zimmerman

lees verder
All fighters from Baas Sports won @ HONOR Fight League
lees verder
Practice Fights @ MMA Caribbean
lees verder
Chellina Chirino wins Fight League
lees verder
Special guests @ Baas Sports Curacao in 2017
lees verder
Jemyma Betrian
Review 2016
Wheelchair Boxing
lees verder
Fight gear
lees verder
Videos & Photos
lees verder
2015
Sensei Redenshon
lees verder
2014
2013
2012
2011
2010
2009
Fedor @ Curacao
2008
2005-2007
2001-2004
2001 and before
Edwin Baas
Fysiotherapie
Omgaan met agressie
Martial Kids
Muay Thai Kickboxing
Mixed Martial Arts
Boxing
The "BAAS" in design
Developed with QwikZite (version 1.12)